Biyografi konpayi a
The Bash Express — Vwayaj ou, livrezon ou, n'ap la pou ou!
The Bash Express se yon konpayi transpò ak livrezon ki fèt pou reponn bezwen moun Ayiti yo — nan yon fason ki sekirize, rapid, konfòtab, ak abòdab.
Nou konprann jan lavi Ayisyen an difisil: trafik la, distans yo, ak enkyetid sou sekirite a. Se poutèt sa nou mete ansanm yon ekip chofè verifye, yon teknoloji modèn, ak yon sèvis ki disponib 24/7 — pou ou ka deplase oubyen voye pake san traka, san risk, san tèt chaje.
Sèvis nou yo gen 3 branch prensipal: Taksi Moto, pou kous rapid nan vil yo ak zòn difisil yo; Machin Prive, pou fanmi, bagaj ak long distans nan plis konfò; ak Livrezon Pake, pou ou ka voye dokiman, manje, pwodwi ak lòt bagay nan men moun ou renmen an, san danje, ak yon kòd PIN ki pwoteje livrezon an jiska li rive nan men moun k ap resevwa a.
Men sa k fè The Bash Express diferan: se nou ki la, ki rete la, ki grandi la — ak nou.
Sekirite
Chak chofè verifye ak dokiman li anvan li ka pran yon sèl kous.
Rapidite
Yon chofè toupre w nan kèk minit, lajounen kou lannwit.
Pri jis
Ou konnen montan an anvan w konfime — pa gen sipriz.
Konfyans
Nòt, PIN, suivi GPS ak sipò pou chak kliyan ak chak chofè.
Pou chofè ki vle enskri
Dokiman pou enskripsyon chofè
Pou garanti sekirite kliyan nou yo, pwoteksyon chofè nou yo, ak kalite sèvis nou yo, tout moun ki vle travay kòm chofè sou platfòm nan dwe soumèt dokiman ki annapre a pou verifikasyon.
Idantite chofè a
- Non konplè
- Prenon
- Nimewo telefòn aktif (WhatsApp si posib)
Lisans kondwi
- Foto bò devan lisans an
- Foto bò dèyè lisans an
- Lisans an dwe valab epi enfòmasyon yo dwe byen vizib
Enfòmasyon sou vehikil la
- Tip vehikil : moto oswa machin
- Nimewo plak la
- Foto vehikil la ak plak la byen vizib
Asirans vehikil
- Foto dokiman asirans vehikil la
- Asirans an dwe toujou valab
Foto pwofil
- Yon foto figi klè
- San kas, san linèt fè nwa
Pwosesis enskripsyon an
- Kreye yon kont sou platfòm THE BASH EXPRESS la.
- Ranpli fòm enskripsyon an ak tout enfòmasyon ki mande yo.
- Voye tout dokiman yo pou verifikasyon.
- Rete tann konfimasyon ekip nou an.
- Koumanse resevwa kous ak livrezon.
Konfyansyalite — Tout dokiman ou soumèt trete ak respè. Yo sèlman itilize pou verifye idantite w ak asire sekirite sèvis la.
The Bash Express — paske vwayaj ou enpòtan, livrezon ou enpòtan, epi ou menm pi enpòtan.